Strætó leggur áherslu á að skapa vinnuumhverfi sem styður við heilsu og vellíðan alls starfsfólks. Í því felst m.a. að hafa skýra umgjörð utan um viðveru starfsfólks á vinnustað og samræmdar verklagsreglur um viðbrögð og stuðning við starfsfólk sem þarf að vera fjarverandi frá vinnu.
Stjórnendum ber að bregðast við fjarveru starfsfólks í samræmi við verklagsreglur Strætó bs. og kynna starfsfólki viðeigandi verklag bæði við ráðningu og reglulega á starfstímanum.
Stefna þessi á við um allt starfsfólk Strætó bs. og nær yfir allar tegundir fjarveru. Stefnuna skal endurskoða árlega til að tryggja að hún sé viðeigandi og raunhæf.
Markmið viðverustefnu Strætó bs. eru:
- Að skapa skýrt verklag sem gerir stjórnendum kleift að bregðast við fjarveru starfsfólks með samræmdum og sanngjörnum hætti.
- Að styðja við starfsfólk sem er óvinnufært m.a. vegna veikinda, slysa eða fjölskylduaðstæðna.
- Að draga úr veikindafjarveru starfsfólks með samræmdum og markvissum hætti, þar sem sanngirni og jafnræði er haft að leiðarljósi.
- Að styðja við samvinnu starfsfólks og stjórnenda þegar kemur að áskorunum er tengjast viðveru/fjarveru starfsfólks og efla um leið árangur og fagmennsku í vinnu.