Fundargerð nr. 424

Mætt voru: 

• Kristín Thoroddsen (KT)
• Lovísa Jónsdóttir ( LJ)
• Andri Steinn Hilmarsson (ASH)
• Hrannar Bragi Eyjólfsson (HBE)
• Alexandra Briem (AB)
• Magnús Örn Guðmundsson (MÖG)

Fundinn sat einnig Jóhannes Rúnarsson (JR), framkvæmdastjóri, sem ritaði fundargerð.

Framkvæmdastjóri fór yfir stöðu verkefna og tilfærslu þeirra til nýs félags. Lagt var fram vinnuplagg um stöðu rekstrarframlaga  eigenda fyrir árið 2025 og meðferð þeirra.

Fargjaldatekjur á fyrsta ársfjórðungi eru um 1% undir áætlun. Sala tímabilskorta er undir áætlun en stöðugur vöxtur er í snertilausum greiðslum.

Lagt var fram bókun bæjarráðs Hafnarfjarðar dagsetta  30. mars 2026. Málinu vísað til umræðu eigenda. Fulltrúi Seltjarnarness í stjórn Strætó bókar að hann óski eftir að málið verði rætt í samhengi við samþykkta og núgildandi eigandastefnu Strætó, sér í lagi lið 4.2 sem fjallar um rekstrarmarkmið og fargjaldastefnu fyrirtækisins.

Markús Vilhjálmsson, fór yfir niðurstöðu  hulduheimsókna og fjölmiðlaskýrslu Strætó fyrir árið 2025.

Framkvæmdastjóri og fjármálastjóri fóru yfir breytingar á áhættustýringu hjá Strætó í framhaldi af breytingum sem verða á starfseminni. Stjórn samþykkir nýja áhættustefnu.

Lagt var fram minnisblað um hugmyndir að útfærslu Strætó í Gufunes. Stjórn samþykkir að vísa málinu til borgarstjórnar Reykjavíkur.

Málefnið lagt fram til kynningar.

Framkvæmdastjóri fór yfir stöðuna. Stjórn samþykkir að heimila framkvæmdastjóra að klára málið í samræmi við umræður á fundinum.

Fundi slitið kl. 9:30.