Fundargerð nr. 423

Mætt voru: 

• Kristín Thoroddsen (KT)
• Lovísa Jónsdóttir ( LJ)
• Andri Steinn Hilmarsson (ASH)
• Hrannar Bragi Eyjólfsson (HBE)
• Alexandra Briem (AB)

Magnús Örn Guðmundsson (MÖG) boðaði forföll. Fundinn sat einnig Jóhannes Rúnarsson (JR), framkvæmdastjóri, sem ritaði fundargerð.

Árlegt árangursmat stjórnar verður sent út til stjórnarmanna á næstunni.

Framkvæmdastjóri fór yfir stöðu mála. Vinnuhópur stjórnar hefur fundað um málefnið. Verið er að ræða útfærslu á fjölda atriða. Framkvæmdastjóra falið að vinna málið áfram í samræmi við umræður.

Framkvæmdastjóri og Elísa Kristmannsdóttir, fjármálastjóri, kynntu niðurstöður ársreiknings 2025. Rekstrarafkoma er jákvæð og fjárhagslegar stærðir eru að þróast í rétta átt. Sigrún Guðmundsdóttir frá endurskoðunarnefnd fylgdi eftir áliti endurskoðunarnefndar á ársreikningi. Bjarni M. Jóhannesson, endurskoðandi frá Grant Thorton, fór yfir vinnu ytri endurskoðenda við endurskoðun á ársreikningi Strætó.

Stjórn samþykkir framlagðan ársreikning og staðfestir með rafrænni undirritun.

Sara Fönn Jóhannsdóttir, Lovísa Sigurðardóttir og Jóna Hrönn Benediktsdóttir frá Deloitte komu á fundinn og fóru yfir drög að innri endurskoðun hjá Strætó.

Framkvæmdastjóri fór yfir drög að minnisblaði um ungmennafargjöld.  Jafnframt var kynnt staða vinnu við breytingar á tímabilskortum.

Framkvæmdastjóri kynnti ítarlega greiningu á áhrifum breytinga á vísitölum sem notaðar eru til verðbóta aksturssamninga við verktaka Strætó. Framkvæmdastjóra var falið að ganga frá málinu í samræmi við umræður á fundinum.

Fundi slitið kl. 09:35.