Miðvikudaginn 24. september 2025 var haldinn fundur í stjórn Strætó bs. og hófst hann kl. 07:30.
Mætt voru:
- Kristín Thorarensen (KT)
- Lovísa Jónsdóttir (LJ)
- Magnús Örn Guðmundsson (MÖG)
- Andri Steinn Hilmarsson (ASH)
- Hrannar B Eyjólfsson (HBE)
- Alexandra Briem (AB)
Fundinn sat einnig Jóhannes Rúnarsson (JR), sem ritaði fundargerð.
1. Fjárhagsáætlun
Framkvæmdastjóri og Elísa Kristmannsdóttir, fjármálastjóri fóru yfir drög að fjárhagsáætlun 2026. Helstu forsendur eru þjóðhagsspá frá júlí 2025. Fjárhagsáætlun er skipt upp miðað við að starfsemi verði með sambærilegum hætti árið 2026, milli Strætó, Pant akstursþjónustu og nýs félags. Framkvæmdastjóra falið að uppfæra drögin miðað við umræður á fundinum.
Jafnframt óskaði stjórn eftir því að framkvæmdastjóri óskaði eftir upplýsingum frá Samtökum sveitarfélaga á höfuðborgarsvæðinu hver staðan á stofnun nýs félags um almenningssamgöngur á höfuðborgarsvæðinu væri.
Stjórn samþykkir að senda drög að fjárhagsáætlun 2026 til samþykktar eigenda.
Fundi slitið kl. 8:30.