Fundargerð nr. 410

Mætt voru:

• Kristín Thorarensen (KT)
• Lovísa Jónsdóttir (LJ)
• Ragnhildur Jónsdóttir (RJ)
• Andri Steinn Hilmarsson (ASH)
• Hrannar B Eyjólfsson (HBE)
• Alexandra Briem (AB)

Fundinn sat einnig  Jóhannes Rúnarsson (JR) og Sigurborg Þórarinsdóttir (SÞ) sem ritaði fundargerð.

Framkvæmdastjóri fór yfir fyrstu drög að fjárhagsáætlun 2026. Helstu forsendur eru þjóðhagsspá frá júlí 2025. Áætlun er skipt upp miðað við að starfsemi verði með sambærilegum hætti árið 2026, milli Strætó, Pant og nýs félags. Vinna að fjárhagsáætlun nýs félags þarf að vinna nánar með forsvarsmönnum félagsins.

Framkvæmdastjóra falið að boða til annars fundar fljótlega til frekari umræðu varðandi þennan lið.

Tilboð voru opnuð 5. september og bárust tilboð frá 6 aðilum.  Ráðgjafar Strætó eru að fara yfir tilboðin.  Ragnhildur Jónsdóttir vék af fundi undir umræðu um þennan lið.

Sigurborg Þórarinsdóttir, sviðsstjóri mannauðs- og gæðasviðs fór yfir tillögu að endurbættri EKKO stefnu.

Stjórn samþykkir nýja stefnu í samræmi við umræður.

Framkvæmdastjóri leggur fram tillögu varðandi að Strætó óski eftir tilboðum í leigu á rafvögnum.

Málið verður skoðað áfram.

Markús Vilhjálmsson, sviðsstjóri sölu-, markaðs- og þjónustumála fór yfir fargjaldagreiningu á vöruflokkum Strætó.

Strætó í samstarfi við Blindrafélagið hefur hannað lausn sem auðveldar aðgengi blindra- og sjónskertra að almenningssamgöngum. Búið er að setja upp lausnina við leið 13 og 14. Næstu skref eru að setja þetta upp á öllum leiðum.

Framkvæmdastjóri fór yfir stöðu mála og hvað er framundan varðandi stofnun nýs félags.

Reglulega koma ábendingar um hljóðmengun frá vögnum. Mælt var hljóðstig vagna og eru þau í samræmi við reglugerð um hljóðstig.

Samningur við Deloitte  er að renna út varðandi innri endurskoðun. Framkvæmdastjóra falið að ganga til samninga við Deloitte.

Tekið var fyrir erindi frá íbúa við Suðurgötu. Framkvæmdastjóra falið að svara.

Fundi slitið kl. 9:30.