Framundan eru stórar breytingar á leiðakerfi Strætó vegna framkvæmda Reykjavíkurborgar við Hlemm.

Breytingarnar munu hafa áhrif á akstur Strætó. Allur akstur Strætó um svæðið mun víkja tímabundið og nýjar endastöðvar verða teknar í notkun.

Nýja deili­skipu­lagið miðar að því að auka aðdrátt­ar­afl Hlemms sem staðar sem fólk sæk­ist eft­ir að fara á
Nýja deili­skipu­lagið miðar að því að auka aðdrátt­ar­afl Hlemms sem staðar sem fólk sæk­ist eft­ir að fara áTeikning: Reykjavíkurborg

Nýtt Hlemmtorg verður skapað og akandi umferð beint frá torgsvæðinu. Borgarlínu innviðir verða byggðir í gegnum svæðið norðanvert.

Framkvæmdir við torgið sjálft eiga að hefjast vorið 2024 og mun þá Strætó þurfa að hætta alfarið akstri um svæðið​.


Breytingar á leiðum

Allar leiðir hætta að aka um Hlemmtorg og munu í staðinn aka breyttar leiðir. Gerðar verða nýjar stöðvar við Snorrabraut og Borgartún og stöð við Þjóðskjalasafnið færð.

Nýjar tímabundnar endastöðvar

  • Leiðir 1, 4, 16, 17 og 18 munu verða með tímabundna endastöð við Skúlagötu sem verður ný endastöð.
  • Leið 3 mun vera með endastöð við Granda en sú endastöð er þegar til, leið 14 hefur nu þegar endastöð þar.
  • Leiðir 2 og 6 verða með tímabundna endastöð við Háskóla Íslands sem er ný endastöð.

Breyttar akstursleiðir


Hlemmur að loknum framkvæmdum

Strætó og Hlemmur

  • Fyrst um sinn munu almennar strætóleiðir nýta Borgarlínu innviðina í gegnum Hlemmtorg.
  • Strætóleiðir munu einnig aka norður/suður um Snorrabraut.
  • Þegar framkvæmdum við fyrstu lotu Borgarlínunnar er lokið munu fjórar leiðir aka í gegnum torgið, þ.m.t. Borgarlínuleið B.
  • Engin leið verður með endastöð við Hlemm.
  • Engin miðlæg endastöð verður í framtíðinni.