Þjónusta Strætó á Menningarnótt 2025

Vegna götulokana verður BSÍ endastöð niður í bæ fyrir flestar leiðir um daginn – til um 15:00.

Eftir um kl. 15:00 tekur Skúlagata við sem endastöð.

Einhverjar lokanir verða fyrir ak­andi um­ferð í miðborg­inni þegar Menn­ing­arnótt fer þar fram á laug­ar­dag.

Borga þarf almennt fargjald í strætó og næturstrætó sem tek­ur við um eitt­leytið en handhafar mánaðar- og árskorta geta notað kortin sín um borð í næturstrætó.

Leið 1

• mun aka á 15 mín. tíðni frá ca. kl. 7 – 10
• mun aka á 10 mín. tíðni frá ca. kl. 10 – 18
• mun aka á 15 mín. tíðni ca. frá kl. 18 – 21:30 (þar til tæming frá miðborg hefst)

Leið 6

• mun aka á 15 mín. tíðni ca. frá kl. 7 – 21:30 (þar til tæming frá miðborg hefst)

Leiðir 2, 3, 4, 5, 11, 12, 13, 14 og 15

• munu aka á 15 mín tíðni frá kl. 7/8 – 18
• munu aka á 30 mín tíðni frá kl. 18 – 21:30 (þar til tæming frá miðborg hefst)

 

Við biðjum viðskiptavini að kynna sér vel áætlun Strætó í leiðavísinum og finna ferð, áður en haldið er af stað á Menningarnótt, þar sem tímasetningar ferða geta verið aðrar en venjulega vegna aukinnar tíðni og lokana gatna í borginni. Hægt er að skoða tíðnina í tímatöflum þessara leiða undir 23. ágúst.

Vagnar gætu þurft að aka óhefðbundna leið vegna lokana og geta því akstursleiðir breyst yfir daginn. Tilkynnt verður um hjáleiðir undir Stöðu ferða. — Hægt er að fylgjast með för vagnanna í Klappinu eða á straeto.is til að sjá hvar vagnarnir eru.

Hægt er að greiða í Strætó á höfuðborgarsvæðinu, með:

• Snertilausri greiðslu
• Klappinu appi í síma
• Áfyllanlegu Klapp korti
• Klapp tíu

Nánari upplýsingar á Klappid.is 

Kl. 21:30 verður leiðakerfi Strætó á höfuðborgarsvæðinu rofið og öllum tiltækum vögnum verður beint að Sólfarinu við Sæbraut.

Það kostar ekkert í þessar ferðir.

Þetta eru síðustu ferðir Strætó áður en leiðakerfið verður rofið fyrir flugeldasýningu:

Leiðakerfið verður svo aftur sett í gang í breyttri mynd kl. 22:20.

Þar sem dagskrá lýkur fyrr en hefur verið síðustu ár þá verður leiðakerfið sett aftur í gang í mjög breyttri mynd til að koma til móts við þá farþega sem þurfa að ferðast á milli hverfa.

Almennt fargjald gildir.

Vagnar munu ganga frá Skúlagötu frá kl. 23:20 og fara þá sömu leiðir og tæmingarleiðirnar og ganga þá í báðar áttir. Þ.e. hægt verður að taka vagninn niður í bæ einnig.

Vagnarnir munu ganga á 30 mín fresti. Síðasta ferð úr bænum er kl. 00:50. Síðasta ferð í bæinn er:

Hafnarfjörður – Frá Skarðshlíð kl. 00:20

Kópavogur – Frá Álfkonuhvarfi 00:20

Breiðholt – Frá Mjódd kl. 00:27

Úlfarsárdalur – Frá Gefjunarbrunni kl. 00:20

Norðlingaholt – Frá Selvaði kl. 00:20

Mosfellsbær – Frá Bjarkarholti kl. 00:20

Seltjarnarnes – Frá Boðagranda kl. 00:22

Hægt er að leita að þessum ferðum í Skipuleggja ferð.

Vinsamlegast fylgist með staðsetningu vagnanna á rauntímakorti.