Ný gjaldskrá hjá Strætó tekur gildi þann 16. júlí næstkomandi. Verð á stökum fargjöldum helst óbreytt en tímabilskort hækka því sem nemur 3,45%. Sama hækkun á við tímabilskort versluð með afsláttarkjörum.
30 daga kort fullorðinna hækkar því úr 11.600 kr. í 12.000 kr. og árskort fullorðinna úr 116.000 kr. í 120.000 kr.
Stakt fargjald verður áfram 690 kr. og verð á Klapp plastkortum og lyklakippum helst sömuleiðis óbreytt eða 1.000 kr.
Ákvörðun um gjaldskrárbreytingu er í samræmi við gjaldskrárstefnu um að verð hækki í takt við áætlaða hækkun neysluverðsvísitölu. Gjaldskrá Strætó ber að endurskoða tvisvar á ári en síðast var gjaldskráin hækkuð 6. janúar 2026.
Gjaldskrárbreytingarnar ná einungis til þjónustu Strætó á höfuðborgarsvæðinu.
Ný gjaldskrá tekur gildi fimmtudaginn 16. júlí 2026.
Gjaldskrá Strætó frá og með 16. júlí 2026
| Verð | |
|---|---|
| Snertilausar greiðslur | 690 kr. |
| Fullorðnir | 690 kr. |
| Ungmenni, 12- 17 ára | 345 kr. |
| Aldraðir, 67 ára og eldri | 345 kr. |
| Öryrkjar | 207 kr.* |
| Börn, 11 ára og yngri | 0 kr. |
| Næturstrætó - eitt fargjald | 690 kr. |
*Afsláttur er virkjaður í Klapp greiðslukerfinu.
| 30 daga | 12 mánaða | |
|---|---|---|
| Fullorðnir | 12.000 kr. | 120.000 kr. |
| Ungmenni, 12- 17 ára | 6.000 kr. | 60.000 kr. |
| Aldraðir, 67 ára og eldri | 6.000 kr. | 60.000 kr. |
| Nemar, 18 ára og eldri* | 6.000 kr. | 60.000 kr. |
| Öryrkjar* | 3.600 kr. | 36.000 kr. |
*Afsláttur er virkjaður í Klapp greiðslukerfinu.
| Klapp kort | 1.000 kr. |
| Klapp lyklakippa | 1.000 kr. |