Ný stjórn Strætó bs.
Ný stjórn Strætó bs. kom saman á fundi í dag og skipti með sér verkum. Formaður stjórnar verður Guðrún Ágústa Guðmundsdóttir, bæjarfulltrúi í Hafnarfirði. Aðrir í stjórn eru eftirtaldir: Kjartan Örn Sigurðsson frá Álftanesi, Stefán Snær Konráðsson frá Garðabæ, Hjálmar Hjálmarsson frá Kópavogi, Hafsteinn Pálsson frá Mosfellsbæ, Einar Örn Benediktsson frá Reykjavík og Sigrún Edda Jónsdóttir frá Seltjarnarnesbæ.
Guðrún Ágústa Guðmundsdóttir
Stjórn byggðasamlagsins er skipuð einum fulltrúa og einum til vara frá hverju aðildarsveitarfélagi. Fulltrúinn skal vera aðalmaður í sveitarstjórn eða framkvæmdastjóri viðkomandi sveitarfélags. Sömu skilyrði gilda um varamenn sem hver sveitarstjórn tilnefnir. Stjórnin skiptir sjálf með sér verkum og skal formennska skiptast milli aðildarsveitarfélaganna. Kjörtímabil stjórnar er tvö ár og mun því núverandi stjórn sitja til vors 2012.