Ánægja með SMS þjónustu Strætó
Almenn ánægja mælist meðal farþega á leiðum 51 og 57 með SMS þjónustu fyrirtækisins
Frá vorinu 2009 hefur Strætó bs. boðið upp á þá þjónustu að senda hópskilaboð (SMS) í farsíma viðtakenda ef ferðir falla niður á leiðum 51 og 57. Flestir notendur þjónustunnar eru búsettir á Vesturlandi, enda kemur það einna helst fyrir á því svæði að ferðir falli niður stöku sinnum sökum veðurs (vindhraða).
Nýlega var haft samband við alla notendur þjónustunnar, kannað hvernig hún mæltist fyrir og hvort einhverjir hnökrar hefðu verið á móttöku skilaboða. Helstu niðurstöður könnunarinnar eru eftirfarandi:
· Rúmlega 70 manns eru skráðir í SMS þjónustu Strætó bs.
· 99,9% notendanna eru ánægðir eða mjög ánægðir með þjónustuna.
· Þeir sem eru með símaþjónustu hjá Nova geta ekki nýtt sér þjónustuna af tæknilegum orsökum.
Þeim sem vilja skrá sig í SMS-þjónustuna á leiðum 51 og 57 er bent á að hafa samband við Þjónustuver Strætó bs. í síma 540 2700. Þjónustuverið er opið virka daga kl. 6:30 – 22:00, laugardaga kl. 9:00 – 19:00 og sunnudaga kl. 11:30 – 19:00.
Rétt er að ítreka að þjónustan er eingöngu í boði á leiðum 51 og 57, að svo stöddu.