Fréttir
Vagnstjórar samþykkja nýjan kjarasamning
Á fundi samninganefnda Starfsmannafélags Reykjavíkurborgar og Strætó bs þann 17. ágúst var undirritað samkomulag um breytingar og framlengingu á fyrri kjarasamningi. Samkomulagið er að öllu leyti sambærilegt því samkomulagi sem félagið gerði við Reykjavíkurborg fyrr í sumar, þar sem verið er að tryggja hækkanir lægstu launa. Samningurinn gildir frá 31. ágúst 2009 til 30. nóvember 2010.
Kynningafundir voru haldnir í síðustu viku, og lauk atkvæðagreiðslu föstudaginn 21. ágúst kl. 12.
Samningarnir voru samþykktir með 68 atkvæðum gegn 24.