75% svifriks af völdum umferðar
Á undanförnum vikum hafa öðru hvoru ríkt staðviðri hér á höfuðborgarsvæðinu. Þegar vindhraði er lítill, hitastig lágt og loftið þurrt mælist magn svifryks hátt, og á slíkum dögum má glöggt sjá hvernig mengunin liggur yfir borginni. Með því að nýta sér almenningssamgöngur geta íbúar höfuðborgarsvæðisins lagt sitt af mörkum til minni mengunar. Strætisvagnar á höfuðborgarsvæðinu aka á ónegldum vetrarhjólbörðum, og eru því ekki að spæna upp malbik eins og þeir bílar sem aka á negldum hjólbörðum. Eftir því sem fleiri eru í hverjum strætisvagni minnkar útblásturinn miðað við hvern einstakling. Það er því full ástæða til að gefa almenningssamgöngum nánari gaum og hvíla bílinn inn á milli. Frétt umhverfissviðs um svifryksmengunina má lesa í heild sinni með því að smella hér.