Stöðugt unnið að endurbótum ráðgjafans
Ráðgjafinn á vef Strætó bs. markar tímamót í bættri þjónustu við farþega okkar. Með því að slá inn upphafs- og áfangastað má á augabragði fá fram tillögur að heppilegasta leiðavali. Smíði ráðgjafans var all flókið verkefni, enda hefur komið á daginn að ekki varð í fyrstu við öllu séð, og því komu á stundum sérkennilegar ráðleggingar um ferðaval. Í öllum tilvikum hefur verið brugðist við slíkum tilvikum, og gerðar viðeigandi lagfæringar. Enn hefur okkur ekki tekist að komast í veg fyrir alla hnökra, og biðjum við viðskiptavini okkar því að sýna okkur tillitssemi meðan við komum þessum málum í lag. Jafnframt bendum við farþegum okkar á, að komi niðurstaða sem ekki er líklegt að teljist vera rétt, t.d. óheyrilega langur ferðatími, að leita upplýsinga í leiðabók eða hafa samband við upplýsingaþjónustuna í síma 540 2700 og fá gleggri upplýsingar. Jafnframt hvetjum við alla farþega okkar að koma á framfæri ábendingum um það sem betur má fara á vefnum, þannig að við getum tekið á málum og lagfært þau.