Fréttir
Þriðji vetnisvagninn kominn til landsins
Nú aka vetnisvagnar á leið 2
Þriðji og síðasti vetnisvagninn er kominn til landsins, og verður tilbúinn til notkunar næstu daga. Með því að allir vagnarnir þrír eru komnir verður unnt að hafa alla bílana á leið 2 vetnisvagna. Þannig ætti að vera nokkuð tryggt að þeir sem taka sér far með þeirri leið ferðist með þessum nýstárlegu og spennandi farartækjum.
Hafa ber í huga að vagnarnir eru tilraunaframleiðsla, og ýmislegt kann að koma upp á sem e.t.v. leiðir til þess að ekki er alltaf unnt að hafa þá í rekstri. Ef allt gengur eftir, og þegar allt er komið í fastar skorður, má þó reikna með alla jafna að vetnisvagnarnir séu í akstri virka daga til kl. 19.
Verið velkomin í vetnisstrætó!