Strætó.is - Fréttir á forsíðu

Breytingar á strætóleiðum á Suðurlandi

Mon, 6 Feb 2012 13:38:00 +0000

Frá og með 12. febrúar verða gerðar nokkrar breytingar á akstri Strætó bs. á Suðurlandi. M.a. verður bætt við hádegisferð frá Reykjavík á Selfoss og til baka til Reykjavíkur, tekinn upp akstur í Reykholt og bætt við ferð frá Vík til Hafnar á þriðjudögum.

Strætó bs. fær forvarnaverðlaun VÍS 2012

Thu, 2 Feb 2012 17:50:00 +0000

Strætó bs. fékk forvarnaverðlaun VÍS 2012 fyrir framúrskarandi forvarnir. Verðlaunin voru afhent á forvarnaráðstefnu VÍS og Vinnueftirlitsins í dag. Einnig fengu Íslensk Ameríska – ISAM og sveitarfélagið Norðurþing viðurkenningar fyrir góðan árangur í forvörnum og öryggismálum.

Ný gjaldskrá tekur gildi 1. febrúar

Mon, 9 Jan 2012 10:39:00 +0000

Stjórn Strætó bs. ákvað á fundi sínum 16. desember síðastliðinn að hækka gjaldskrá sína. Þannig mun verð á tímabilskortum og afsláttarfarmiðum hækka um 10% að jafnaði 1. febrúar næstkomandi.

Rauntímakort sýnir staðsetningu vagna

Mon, 2 Jan 2012 10:05:00 +0000

Með nýju rauntímakorti á vef Strætó bs. er nú hægt að fylgjast með ferðum strætisvagna í rauntíma. Þannig geta strætófarþegar með hjálp nýjustu tækni séð hvar vagninn sem þeir ætla að taka sér far með er staddur á hverjum tíma.

Reiknivél fyrir gjaldsvæði og yfirlit yfir gjaldsvæði á Suðurlandi

Sun, 1 Jan 2012 18:17:00 +0000

Hægt er að sækja sérstaka reiknivél fyrir útreikning á gjaldsvæðum

Strætó á Suðurlandi frá 2. janúar

Fri, 30 Dec 2011 10:55:00 +0000

Frá og með 2. janúar verður hægt að ferðast um Suðurland með strætó, allt frá Reykjavík og austur á Höfn í Hornafirði. Þetta er liður í stórfelldri stækkun þjónustusvæðis Strætó bs. í samstarfi við Samtök sunnlenskra sveitarfélaga (SASS).

Börnin koma með jólin

Thu, 29 Dec 2011 15:44:00 +0000

Leikskólabörnin færa Strætó í jólabúning, smelltu hér til að sjá myndirnar þeirra.

Nemakort einnig fyrir grunnskólanema

Tue, 20 Dec 2011 16:06:00 +0000

Frá og með 27. desember gefst grunnskólanemum með lögheimili á höfuðborgarsvæðinu kostur á að kaupa nemakort Strætó bs. en hingað til hafa þau einungis verið í boði fyrir nema á framhalds- og háskólastigi.

Fyrstu fyrirtækin fá Samgöngukort

Mon, 19 Dec 2011 13:22:00 +0000

Skýrr, Landspítalinn, Matís, Síminn, Míla og Skipti urðu nýverið fyrstu fyrirtækin til að undirrita samgöngusamninga við Strætó bs.

Leikskólabörn færa Strætó í jólabúning

Wed, 14 Dec 2011 13:01:00 +0000

Börnin á leikskólanum Huldubergi í Mosfellsbæ Reykjavík fengu óvænta heimsókn í dag, þegar jólasveinar komu til þeirra í strætó og fengu þau til að hjálpa sér að skreyta vagninn að innan.

Þjónusta við farþega verður efld

Fri, 2 Dec 2011 11:33:00 +0000

Afkoma Strætó bs. á fyrstu níu mánuðum þessa árs var jákvæð um tæpar 219 milljónir króna. Þetta er nokkuð umfram áætlanir, en gert var ráð fyrir afkoman yrði jákvæð um 96 milljónir króna á tímabilinu.

Stefnir í helmingsfækkun tjóna milli ára

Thu, 1 Dec 2011 15:49:00 +0000

Öryggisdögum Strætó og VÍS er nú formlega lokið, en þeir stóðu yfir í fjórar vikur, frá 3. til 30. nóvember. Ef heldur fram sem horfir gæti tjónum hjá Strætó fækkað um helming milli áranna 2010 og 2011.

Höfum hæfilegt bil á milli bíla

Thu, 3 Nov 2011 15:12:00 +0000

Strætó bs. og VÍS standa fyrir Öryggisdögum næsta mánuðinn – átaki sem miðar að því að fækka slysum í umferðinni og auka öryggi vegfarenda. Sérstaklega verður hugað að því að vagnstjórar haldi hæfilegu bili á milli bíla og fækki með því aftanákeyrslum sem eru algengasta orsök umferðaróhappa á höfuðborgarsvæðinu. Átakið, sem hefst í dag og stendur út nóvember, er liður í forvarnaverkefni sem Strætó bs. og VÍS hafa unnið að saman frá ársbyrjun 2008 og hefur leitt til nær helmings fækkunar umferðaróhappa hjá Strætó bs.

Októbermánuður aldrei stærri

Tue, 1 Nov 2011 13:43:00 +0000

Heildarfjöldi farþega Strætó bs. í októbermánuði hefur aldrei verið meiri en í nýafstaðinni talningu, en hann fór nú í fyrsta sinn yfir 900.000 farþega. Þegar bornar eru saman farþegatölur annars vegar í október á síðasta ári og hins vegar í október 2011 er aukningin rúmlega 76 þúsund farþegar, eða 9,15%, en sé horft aftur til ársins 2005 og farþegafjöldi í október það ár borinn saman við fjöldann í október 2011 er aukningin 41%.

Farþegum Strætó fjölgar um 16,5%
fyrstu níu mánuði ársins

Fri, 7 Oct 2011 09:18:00 +0000

Farþegar sem ferðuðust með strætisvögnum Strætó bs. voru um 16,5% fleiri á fyrstu níu mánuðum þessa árs samanborið við sama tímabil á síðasta ári.

Hækkun tekur gildi 1. október

Thu, 29 Sep 2011 10:06:00 +0000

Verðhækkun á mánaðar, þriggja mánaða og níu mánaða strætókortum, sem tilkynnt var um í byrjun september, tekur gildi laugardaginn 1. október.

Sala á Strætó.is tvöfaldast milli ára

Thu, 22 Sep 2011 09:49:00 +0000

Sala á farmiðum og tímabilskortum Strætó í gegnum vefinn Strætó.is var um 96% meiri á fyrstu átta mánuðum þessa árs samanborið við sama tímabil í fyrra.

Vel heppnaður Fjölskyldudagur

Tue, 20 Sep 2011 15:01:00 +0000

Fjölskyldudagur Strætó bs. var haldinn við höfuðstöðvar fyrirtækisins síðastliðinn laugardag. Fólk á öllum aldri mætti á hátíðarsvæðið og var almenn ánægja með daginn.

Fjölskyldudagur Strætó 17. september

Fri, 9 Sep 2011 12:07:00 +0000

Fjölskyldudagur Strætó verður haldinn við höfuðstöðvar Strætó bs. að Hesthálsi 14 í Reykjavík laugardaginn 17. september, frá klukkan 13:00 til 16:00.

Tímabilskort hækka um 10%

Fri, 2 Sep 2011 11:16:00 +0000

Verð á mánaðar-, þriggja mánaða og níu mánaða strætókortum hækkar um 9-10% hinn 1. október næstkomandi. Stök fargjöld haldast hins vegar óbreytt

Afkoman jákvæð um 8,4 milljónir

Tue, 30 Aug 2011 12:25:00 +0000

Afkoma af rekstri Strætó bs. á fyrri helmingi þessa árs var jákvæð um 8,4 milljónir króna, sem er nokkuð betri afkoma en áætlanir gerðu ráð fyrir.Horfur fyrir seinni helming ársins eru ekki eins jákvæðar.

Sala strætókorta með 33% lengri gildistíma lýkur 2. september

Mon, 29 Aug 2011 14:29:00 +0000

Sala á mánaðar-, þriggja mánaða og níu mánaða strætókortum með 33% lengri gildistíma en hefðbundið er, sem hófst 13. maí síðastliðinn, lýkur á miðnætti 1. september.

Metfjöldi með Strætó á Menningarnótt

Wed, 24 Aug 2011 13:57:00 +0000

Yfir 80.000 manns nýttu sér þjónustu Strætó á Menningarnótt. Þetta er svipaður fjöldi og á Menningarnótt í fyrra og er með því mesta sem almenningssamgöngur á höfuðborgarsvæðinu hafa flutt á einum degi.

Sala nemakorta Strætó fer vel af stað

Wed, 24 Aug 2011 10:55:00 +0000

Námsmenn í framhaldsskólum eða háskólum á höfuðborgarsvæðinu með lögheimili í sveitarfélagi sem á aðild að Strætó bs. eiga eins og síðastliðin tvö ár kost á að kaupa nemakort hjá Strætó.

Aukin aksturstíðni á Menningarnótt

Thu, 18 Aug 2011 14:52:00 +0000

Frítt verður í alla strætisvagna á höfuðborgarsvæðinu á Menningarnótt í Reykjavík, laugardaginn 20. ágúst, og aksturstíðni verður aukin.

Vetraráætlun á sunnudag

Thu, 18 Aug 2011 13:39:00 +0000

Vetraráætlun Strætó 2011-2012 tekur gildi sunnudaginn 21. ágúst. Tíðni ferða eykst á flestum leiðum og verður svipuð og síðasta vetur.

Norðurlandameistarar 2011

Mon, 15 Aug 2011 12:51:00 +0000

Strætisvagnabílstjórar Strætó bs. sigruðu á Norðurlandamóti í ökuleikni vagnstjóra, sem haldið var í Stokkhólmi í Svíþjóð nýlega. Svíar voru í öðru sæti og Finnar í því þriðja, en þeir sigruðu á þessu móti í fyrra.

Frítt í strætó á Menningarnótt

Mon, 15 Aug 2011 10:35:00 +0000

Sveitarfélögin á höfuðborgarsvæðinu hafa ákveðið að það verði frítt í strætó á Menningarnótt, laugardaginn 20. ágúst næstkomandi. Er þetta gert til að stuðla að fækkun einkabíla og greiða þannig fyrir umferð meðan á dagskrá stendur.

Akstur gekk vel á Hinsegin dögum

Tue, 9 Aug 2011 10:47:00 +0000

Þrátt fyrir miklar breytingar og rask á akstursleiðum Strætó laugardaginn 6. ágúst síðastliðinn í tengslum við Hinsegin daga gekk allt eins og best var á kosið. Mikill fjöldi fólks var í bænum þennan dag og gífurlegt álag á strætisvagnakerfið.

Breyttur akstur vegna Gleðigöngu

Thu, 4 Aug 2011 13:03:00 +0000

Talsverðar breytingar verða á akstri Strætó laugardaginn 6. ágúst vegna gleðigöngu Hinsegin daga og hátíðahalda í miðborginni.