Borgartún lokað á kafla næstu 6 vikurnar

Mánudaginn 31. ágúst hefjast framkvæmdir við Borgartúnið og verður gatan því lokuð á kafla. Um er að ræða hlutann milli Kringlumýrarbrautar og Laugarnesvegar. Lokunin mun vara í allt að sex vikur og hefur áhrif á leiðar 12 og 14.

Leið 12 (frá Hlemmi) mun aka af Borgartúni um Kringlumýrarbraut, Sæbraut, Kirkjusand, Laugarnesveg og Sæbraut aftur. Að Hlemmi mun leið 12 aka um Kleppsveg (húsagötu), Sæbraut, Kringlumýrarbraut og Borgartún. Þrjár biðstöðvar á Laugarnesvegi verða óvirkar við lokunina, tvær næst Sundlaugarvegi og hin næst Kirkjusandi. Á meðan lokunin varir mun leið 12 stöðva á biðstöð við Sæbraut, til móts við Íslandsbanka.

Leið 14 mun aka Laugaveg, Suðurlandsbraut, Reykjaveg og Sundlaugarveg. Ekið er um sömu götur í bakaleiðinni. Biðstöðvar við Kringlumýrarbraut verða óvirkar en stöðvað verður tímabundið á Suðurlandsbraut, til móts við Hótel Nordica.